أبداً.. أبداً.. مستحيل تبقى دى الحرية
الحرية مش بلطجة وترويع للآمنين.. ف الرايحة والجاية
معنى الحرية تعبر عن رأيك.. بكل صراحة وشفافية
من غير خوف راح زمن الخوف.. بفضل ثورتنا النقية
عمر اللى فات ماهيرجع تانى.. خلونا نعيش عصر الحرية
لا ظالم ولا مظلوم يلا يا شعب هم وقوم.. واخلص النية
كفاية تلاتين سنة اتأخرنا سنين وبلدنا هى الضحية
سلب ونهب لمال الشعب غش وزيف.. رشوة ومحسوبية
كفة الحق مالت.. الناس صرخت وقالت فين العدالة والحرية؟
الشعب هب وثار والدماء سالت.. ضرب المثل بثورة سلمية
الدماء فى العروق فارت والناس ثارت وقضت ع الحرامية
الفجر هلَّ ولاح.. طلع النهار وأشرقت شمس الحرية
بس يا خسارة.. مصر الحضارة مصر المنارة.. بقت مرتع للبلطجية
وشغل البلطجة.. عن الحد زاد.. تحت عباءة الحرية
تركنا عملنا.. وعطلنا الإنتاج وكل يوم اعتصامات فئوية
مستحيل تبقى دى الحرية عفواً.. دى بلطجة وهمجية
مدير عام سابق - إسكندرية