مش مهم دلوقتى أشارك فى مظاهرات.. مش مهم أعلق يافطة عليها شعارات.. مش مهم أحقق دلوقتى كل الطلبات.. المهم أمنى.. وعملى.. أهم الضمانات.. مش مهم أشارك فى أى ائتلاف.. وتكون المشاركة بالحضور والانصراف.. مش مهم أحضن وأبوس الكتاف.. المهم يكون عندى ثقافة الاختلاف.. مش مهم أكون عضو فى البرلمان.. مش مهم أحلم بكرسى وسلطان.. المهم بلدى توصل لبر الأمان.. المهم ما أوقفش يوم خلف القضبان.. مش مهم عندى لون الجلابية.. المهم بياض القلب وسلامة النية.. المهم أفهم إيه معنى الحرية.. المهم أؤمن بوجود التعددية.. مش مهم أرفع رايات الجهاد.. وأصفى حساباتى وأتمسك بالعناد.. المهم الإنتاج وأمن البلاد.. المهم قبول الآخر وحرية الاعتقاد.