خليك قدامى ماتوقفش ورايا.. لا تعمل زى أصحابنا إياهم.. وتنام كتير.. وتقول تغيير.. ولا تقولى كاميليا.. ولا عايز أسمع اسم عبير.. مال دول ومال الثورة؟.. وكل أما يحصل حاجة.. يقولك الثورة ماعملتش حاجة!.. هى الثورة كانت محتاجة.. يعنى إيه ثورتنا؟.. يعنى نفوق قبل الوقت ما يسرقنا.. يعنى نحقق أحلامنا.. يعنى نتحلى بذكرى ميدانا.. ولا كنت أعرف مسيحى.. ولا كنت أعرف مسلم.. الكل كان واقف إيد واحدة.. الكل كان بيتكلم.. والعالم كله بيتعلم.. بنقول للظلم لأ.. بنقول للفتنة لأ.. ولو كل الطغاة قالوا لأ.. ربنا دايماً صاحب الحق.
شربين- دقهلية- أحد أطباء ميدان التحرير
drsh-ma@yahoo.com