مسلم مسيحى مش بالديانة.. محمد وعيسى نشروا المحبة.. حملّونا رسالة وأمانة.. علّمونا نكون أحبة.. والفرح واحد.. والجرح واحد واحنا الأطبة.. مسلم مسيحى.. مسلم مسيحى جمعنا احترام.. محمد وعيسى علّمونا التسامح.. والحب بينا يعششه السلام.. وفى وقت ضيقنا يكون التصافح.. هو طريق اختصار الكلام.. والود هو أساس التصالح.. مسلم مسيحى.. مسلم مسيحى مصر بلدنا.. مع بعض كلنا عيش وملح.. واختلطت دمانا يوم ماحاربنا.. وبسبب دمانا نبت الفرح.. وان غبنا يوم عن بعض وتعبنا.. نحس جوانا بألف جرح.. مسلم مسيحى.. جرجس أخويا وأحمد أخويا.. اتغدى عنده يتعشى عندى.. وعم ميخا دا زى أبويا.. جيران لبعض وصاحب لجدى.. وابنه مينا سهران معايا.. كل ليلة على قهوة بلدى.. مسلم مسيحى.. كلنا بنحبك يا مصر.
المنصورة