حبة هدوء.. حبة نظام قبل ما يهلكنا «الكلام»
ثورتنا كانت ثورة عظيمة أهدافها كانت واضحة نبيلة
ليه نغير فى التقسيمة وكل يوم نطلع بكلام؟
مش ممكن أبداً ولا معقول نجرد بعض م الأصول
الكل بقى قوال بيقول وعلى نفسه ما يجبش ملام
بقى لنا سنين كتير صابرين ولابد اليوم عايزين عايزين
وكل يوم نخسر ملايين ونُصر تانى ع الاعتصام
بلاش «الفتنة» تفتفتنا «الفرقة» آفة لو فاتنا
وقطر التنمية لو فاتنا السيد فينا هيكون خدام
لازم نحافظ على مظهرنا ليجرالنا اللى جرى لجارنا
ساعتها اللى كان بيقدرنا مش هنشوف منه احترام
كفر الشيخ- البرلس
عضو رابطة الزجالين وكتاب الأغانى