ماذا سيحدث لنا لو لم نشاهد مسلسلات خلال شهر رمضان؟ ماذا لو تركونا نصوم ونصلى مخلصين لرب العزة داعين أن تنتقل مصر من العسر إلى اليسر بفضله سبحانه واستجابته لدعاء من تفرغوا للعبادة بجد طوال الشهر الكريم؟! هيحصل إيه لو ما شوفناش الحاجة زهرة والرجالة الكتير اللى اتجوزتهم؟ هيحصلنا إيه لو ما شفنهاش السنة دى؟..
ألا يجوز فى الشهر الكريم أن تبث محطات التليفزيون المصرية أعمالاً تمجد الشهداء وتتكلم عليهم واحداً واحداً.. ممكن نقدم عملاً يقول لكل الناس تعالوا نحط إدينا فى إيدين بعض علشان الجرحى والمصابين.. ممكن تكون رسالة التليفزيون المصرى ورسالته الأساسية «هيا إلى العمل.. هيا إلى الجهاد» لأن مصر محتاجة للعمل وللجهاد.. «هيا إلى كل فضيلة ترفع من بلدنا الحلوة الغالية».. لإعادة القيم والأخلاق!!
بالذمة مش عيب فى السنة اللى شبابنا قاموا فيها بالثورة ما نقدمش أعمال تمجد اللى حصل؟! وتعرض لهم تمثيلية عن تحية كاريوكا بطولة الحاجة زهرة.. والله عيب!!