يا شباب يوم خمسة وعشرين يا حُكام مصر الجايين
قولوا ما بدالكم.. وإحنا معاكم إحنا كل المصريين
يا شباب يوم خمسة وعشرين يا حُكام مصر الجايين
ياللى نطقتوا بكلمة حق وما خفتوش من كلمة لأ
صحيتوا مصر.. ونهيتوا عصر ظلم وقهر بقى له سنين
يا شباب يوم خمسة وعشرين يا حُكام مصر الجايين
يااللى بذلتم شُهدا كتير واقفين فى ميدان التحرير
شايلين روحكو ويّا جراحكو على كتفكو أحلام ملايين
يا شباب يوم خمسة وعشرين يا حُكام مصر الجايين
استنينا واتمنينا وإنتو أملنا وضىّ عينينا
إوعو تطاطوا.. مصر أمانة والحرية للصابرين
يا شباب يوم خمسة وعشرين يا حُكام مصر الجايين
الزقازيق - الشرقية