قام الشعب بكل ولاده حالف لازم يبنى بلاده
يزرع زرعة لبكرة تضلل بالحرية فوق أحفاده
مش راح ييأس مش راح يتعب قام يتحدى اليوم الأصعب
فاكرين لما قام ف أكتوبر جاب النصر وصمم يغلب
دى مش أول مرة يجاهد دى مش أول مرة يعاهد
قام بالثورة ف تسعتاشر مكرم بايع سعد القائد
يومها اتحدوا أعظم قوة كت وحدتهم هى القوة
خلوا الغاصب جه واستسلم ساعة الشدة بتيجى الصحوة
هو المصرى اليوم وامبارح عزمه شديد وبقوة يكافح
يعبر ياخد حقه بإيده بس ف طبعه هو مسامح
قبطى ومسلم نفس السكة سكة مصر الأم الغالية
فاطمة ومريم مرقس وأحمد إيدهم تبنى أيامنا الجاية
بكرة تشوفوا إيه راح يعمل بكرة الدنيا تقول وتسجل
قام المارد قام واتحرك عينه باصة ع المستقبل
سيدنى- أستراليا