سكت الكلام.. وعيونك يا مصر متحجرة.. الدم مالى المكان.. وعضامنا متنتورة.. عدى علينا الشيطان.. شايل على كتفه.. شوال معبى الموت.. ماليه هدايا الغدر.. مُصر إنه يفوت.. أعوانه كتروا!.. زادوا!.. بعدما قولنا غاروا!.. غدرونا تانى وعادوا!.. الشر ساكن جواهم.. أصلهم صنعته.. والدم ملو إيديهم.. بدأوا السنة بالدم.. عايزين لمصر الهدم.. عايزين سلاح الأخ.. يطلع فى وش أخوه.. عايزين يقوم الجار.. يقتل يموت أخوه.. كفاية يا مصر نوم.. كفاية كبارنا علينا تزوم.. كفاية نسرق بعض.. خليكوا مرة بشر أو ناس.. نرعى ف مصالح بعض.. خليك مرة يا الوزير إنسان.. تحب بلدك وتسجن الفسدان.. تفضى جيبك من لقمة الغلبان.. الدنيا ماشية ومش باقيالك.. ورث حلال لجل تحمى عيالك.. من شر يوم تشكى العباد.. لرب عادل لو غضب منك.. دخلت جهنم ما حد يقولك مالك.. يا رب وانصر واستر لنا مصر.. من كل عادى ومن كل أيادى الغدر.
مهندس- القاهرة