بحبك قد النسمة الجميلة فى السحر.. بحبك قد الخضرة اللى فى ورق الشجر.. بحبك يا رقة يا حلوة قد ضى القمر.. مصر يا فخر الأوطان.. مصر يا زهر الزمان.. حبك ملك عقلى وروحى وفؤادى.. يا قبلة العالم والرايح والغادى.. بحبك يا درة غالية منورة الوادى.. مصر يا فخر الأوطان.. مصر يا زهر الزمان.. اللى يشوفك مرة تبقى فى وجدانه.. ودايماً للمصرى كنيسته وأدانه.. ربنا كرمك وذكرك فى قرآنه.. مصر يا فخر الأوطان.. مصر يا زهر الزمان.. بحبك يا اللى ضحكتك نور النهار.. بحبك يا اللى غضبتك طوفان ودمار.. على كل خاين معتد آثم غدار.. مصر يا فخر الأوطان.. مصر يا زهر الزمان.