بيحبوا بعض،
كأنهم
متطلقين،
بيدوروا
على أى تماحيك
أو سبب
يتلموا بيه
على بعض..
تانى
حتى لو كانت خناقة،
بتنتهى بخرابيش،
وخدين مبلولين
بيحنوا لايدين
حاتراضيهم
تنفرد دراعين،
وتميل دماغ- اتطمنت-
ناحية كتاف..
الواحد
اللى دموعه بلت- بعدها-
طراطيف مناخير الونيسة، وشعرها
اللى اتحامى فيه
كل ده
ما حصلش ليه
واستنوا ليه
واحد وحيد
واحدة وحيدة
لوحدها
وأطراف إيديها
فوق مفارق شعرتينها البيض بتمشى
وقبل ما تجهز قزازة الصبغة
قدام المرايا
وتخلط المقادير