عمرك ما تعبتى ولا مليتى.. ياما حضنتى ياما ضميتى.. ياما كبرتى ياما ربيتى.. يا عزوتى يا وطنى وبيتى.. يا أم الناس الطيبين.. يا ضحكة القلب الحزين.. ياما كتبوا فيكى دواوين.. من زمان فيكى طمعانين.. لكنك محفوظة من رب العالمين.. من عهد إخناتون.. لحد ولبعد نابليون.. لكنك متصانة من رب الكون.. يا رمز وقيمة وكيان..
للزعامة دليل وعنوان.. إنتى الحضارة إنتى الفنان.. إنتى البطولة فى أى ميدان.. إنتى شفايا إنتى دوايا.. إنتى النور إنتى الهداية.. يا مصر يا بهية.. يا نعمة إلهية.. يا حورية يا لولية يا بدوية يا بحراوية يا صعيدية.. إنتى الكرم إنتى الجود.. إنتى العطاء من غير حدود.. إنتى الحصن إنتى الصمود.. أنا العاشق وبحبك موعود.. أنا المتيم وإنتى الوجود.. بحبك يا مصر وربى المعبود.