أمانة يا للى بكرة على باب الانتخاب ذاهب.. الناس فى دنيا النيابة بقيوا مذاهب.. منهم هواة التنقل بين جميع الأحزاب.. منين ما ريح الهوا تاخده يكون ذاهب.. دقق فى صوتك ولا تديش لأهل نفاق.. فاسد جميع الذمم ومزيف الأخلاق.. لاهف نصيبك من الشعبى وم المدعوم.. ويوم ما تعمل عتاب يرضيك بكلمة زواق.. صوتك أمانة وأمانة تفتكر قولى.. أبداً ماهوش سد خانة تسيبه لوصولى.. صوتك بيوزن أمل بكرة لأولادك.. وزادك إنت تمارسه صح وأصولى.. قامت قيامة القوايم أو يكون فردى غير الأمين ع البلد صوتك ما يوم تدى.. والود ودى ترجع ذكريات فاتت.. تلقى وعود النفاق للسكة ما تودى.