مش حا نتخبك علشان عارفك.. كل كلامك كدب فى كدب.. ومانتش يعنى حتنفع لينا.. ولا حتفيدنا فى مجلس شعب.. علشان مانتش حاسس بينا.. ولا بنشوفك ولا بتجينا.. عايش إنت فى عز مارينا.. واحنا فى مر العيشة الصعب.. بتفرحنا بحتة لحمة.. وكيس متعبّى بسمن وشاى.. وتعشمنا بعطف ورحمة.. وإن رخاءنا فى عصرك جاى.. وإن إيديك الطاهرة أمينة.. وإنك مخلص وح تتحب.. مش حا نتخبك علشان عارف.. كل كلامك أصله دعاية.. م أنا جربتك مرة وخايف.. تنجح تانى وتبقى معايا.. وغير أمراض العصر يجينا.. من شعاراتك وجع القلب.. «ابن الدايرة وعايش لينا.. وحاسس كل آلام الشعب».. وإن القرية حتبقى مدينة.. وإن الصحرا ح تطرح حَبْ.. وإن شبابنا حيلقى وظيفة.. وإن عجوزنا ح يصبح شاب.. واللى يهمك بس حصانتك.. واللى تفكر فيه مصلحتك.. تملا فى جيبك وفى حصالتك.. ناجح بس فى نهب وسلب.. وإما بتنجح بتخلينا.. نسأل عنك شرق وغرب!
أمين صندوق رابطة الزجالين وكتاب الأغانى