سيادة النايب لا مؤاخذة.. قلوبنا منك متاخدة.. لتنام وتسرح ف المجلس.. ونلاقى ف جيوبك مذة.. لابس شياكة ومتأمع.. والخد تفاح متلمع.. لكن دا كله بإيه ينفع.. الوكسة لو تطلع «إمع».. مش أد اللعبة ماتلعبهاش.. وكفاية ضاعت دورة بلاش.. صوتنا اللى خدته عليك صوت.. خلاص عرفنا إنك بكاش.. وحشانا صورتك ع الشاشة.. وأهى تبقى للذكرى يا باشا.. اخزى الشيطان وانطق مرة.. خلينا مرة نقول عاش.. رايح عشان ترفع إيدك.. فيه ناس كتير رافعة إيديها.. قطر سريع يخطف إيدك.. لو كنت ناوى تخون بيها.