كان نفسى أكون شاعر الدولة.. وأتغزل وأمدح ف رجالها.. لقيت نصهم ناس جبارة.. قلوبهم دبش على حجارة.. وأنا لا قوة ولا حول.. والنص التانى ف رجالها حيتان.. مالقيتش فيهم ولا إنسان.. ولا حتى واحد عنده إيمان.. ربنا يصلح حالنا وحالها.
وأنا لا قوة ولا حول.. كان نفسى أحكى فيهم حواديت.. ولفيت عليهم رحت وجيت.. إن شفت واحد عنده ضمير.. ألقى مليون بينشف زيت.. وبتصلح بس ف أحوالها.. وأنا لا قوة ولا حول.. كان نفسى تكون للعالم سنتر.. وأتفشخر بيها وأعمل عنتر.. أتاريها نايمة على ودانها.. زعلت قوى ع اللى جرالها.. ربنا يصلح حالنا وحالها.. وأنا لا قوة ولا حول.. كان نفسى أمدح فيك يا نظام.. إزاى ومالكم كله حرام؟.. ولا بتعملوا حساب للرحمن.. مافيش ما بينى وبينكوا كلام.. وأنا لا قوة ولا حول!