مصر النهاردة أغلبية.. ومعارضة ومشغولين بالانتخابات.. وناس قايمين بمظاهرات.. محتجين فى صورة اعتصامات.. وبعض المرشحين للبرلمان.. مشغولين بشراء الأصوات.. فى الدعاية الفلوس ظهرت.. بالملايين والفكة ياناس ألوفات.. والبيه آل إيه مصر مش هتتقدم إلا بيه.. وهو الابن البار والشهامة.. والمروءة صفات متأصلة فيه.. آل إيه نصير الغلابة.. وطوق النجاة فى إديه.. ولما ينجح فص ملح وداب، تدور عليه ما تلاقيه.. ياناس اللى تصرفوه ع الدعاية.. ابنوا بيه مدارس ومستشفيات.. واعملوا مشاريع صغيرة للغلابة.. اللى عايشين زى الأموات.. عايزين اللى يخدم الشعب المسكين.. يتحلى بالشفافية وإنكار الذات.. ويقدم برنامج طموح للنهوض بالوطن، وكفاية بقى شعارات!
مدير عام سابق