وبقيتوا يا عرب فى خبر كان.. انتهى زمنكم من زمان.. إداس عليكم ولا تحرك فيكم إنسان.. والغريبة إزاى قادرين تحسوا بالأمان.. والأغرب إنك فاكر نفسك إنسان.. اتفرج ع الكرامة العربية أصل بصراحة بقت مسرحية هزلية.. العيب فيك وفيا رضينا بالسكوت عن حقنا فى الأمور العادية.. فانقلب الموضوع وبقت حكاية منسية.. الحكاية كبرت وبقت أكبر كتير من مجرد قضية.. مش عايزين حرب ماشى!.. بس على الأقل موقف إنسانى.. يرد شىء من كرامة الأمة العربية.. ولّا أقولكم انسوا الحكاية.. حييجى يوم تحسوا بالعذاب.. يوم ما ابنك يسألك ليه اتنست القضية؟.. إوعى يومها تكدب عليه.. وتقولوا العيب مش فيا!.. الحكاية بدأت بيك وبيا.. وحتنتهى بضربة قوية.. ونصبح عبيد.. لأننا فقدنا الكرامة والعروبة والإنسانية.