زمان.. كنت أنا والبحر.. أصحاب.. بالليل نقعد وندردش.. وارسم له بالشعر عيون البت.. كان يضحك.. وينام على ظهره.. ويحط البدر فى كفه.. يمرجح فيه.. ويبصلى ويسأل.. بتك أحلى ولا البدر.. أضحك وأقول البت.. البحر كان صحبى.. وكنت أنا صحبه.. البحر مليان أسرار.. البحر كتوم.. البحر بيحب اللى يحبه.. أيوه.. صحيح بيخون.. بس البحر عمره مخان متعمد.. بيخون لو شد عليه الريح.. بيخون بس دا مش طبعه.. دا البحر حنون.. بس محدش قادر يفهم.. أحلام البحر.. البحر بيحلم بالشط.. وبيد حنونة.. فيها يحط.. لجل ما ينسى عذاب إمبارح.. ويبطل سخط.
monty_sol@yahoo.com