نزل صاحبنا من بيته.. بدرى عشان يلحق رغيفين.. وخدله دور قبل الزحمة.. والوقفة طالت قول ساعتين.. قعد يريح فى مكانه.. قال لسه دورى فين وأنا فين.. ومن التعب غمض عينيه.. أصله مطبق ورديتين.. على فجأة راح شاف المارد.. عملاق فارد له إيديه الاتنين.. قاله أوامرك يا صديقى.. لك عندى بدل الطلب اتنين.. قال نفسى آخد بجنيه عيش.. وياريت بدال الجنى جنيهين.. وياريت تنضف ميتنا.. من الشوايب ومن الطين.. وياريت تبحبحها شوية.. يعنى كده نعيشولنا يومين.. صحى صاحبنا من نومه.. على صوت زعيق صم الودنين.. شطبنا عيش ياللا يا سيدى.. إحنا عجنا يا دوب شوالين.. ضرب صاحبنا كف بكف.. مسكين حيشكى حاله لمين.
كلية النصر- فيكتوريا