مهما ليل الظلم طوّل لسه فيه ويانا شمعة
مهما كان الكون مضلم بكرة فيه الشمس طالعة
والأمل فى حياتنا أكبر من لصوص واكلينها والعة
لسه ويانا القضاة هما ميزان الحياة
اللى بيهم شمس بكرة مهما غابت عنا راجعة
لسه فينا ألف روح كلنا عزم وطموح
طول ما ويانا القضاة راح نعالج الجروح
راح نشاهد بكرة أجمل راح نعالج الجروح
لسه ويانا القضاة همّا ميزان الحياة
هما ربّان السفينة اللى نجت سيدنا نوح
لسه لينا ضهر جامد فى المحن نركن عليه
لسه لينا برج عالى م الطوفان نطلع إليه
لسه ميزان العدالة المحاكم ماشية بيه
لسه ويانا القضاة هما ميزان الحياة
هما قارب النجاة اللى لسه أملنا فيه