كان عهد جميل.. الخضار يتمختر ويميل.. مسا وصباح.. والبياع بيغنيله.. وينادى بصوت جميل مداح.. يقول حمرا يا قوطة.. يا زينة الخضار.. وغار منك التفاح.. الكل سعيد مسرور.. الخير كتير.. والعيشة براح.. الحال بقى غير الحال.. وبياع الخضار خلى الأسعار تولع نار.. يا ما ناديته واترجيته.. يخفض شوية م الأسعار.. خلى عيشتنا مرار.. والأسعار بقت نار يا حبيبى نار.. يا بياع الخضار.. حن شوية وبلاش أسية.. وخليك رحيم.. المرتب على أد الحال.. والجيب فاضى مافهوش ولا مليم.. ارحم شوية.. خلى عندك حنية.. طول عمرك جوّاد وكريم.. عايزين نرجع الزمن الجميل من تانى.. والكل يبقى رحيم وحليم.
مدير عام سابق