فى المنام جدتى سألتنى.. كيف حالك يا ولد بنتى.. سألت عن أحوالى وكام عمرك دلوقتى.. والله ما عارف الراس شابت والرجل خابت.. من المشى يا جدة ورا أكل العيش البايت.. وتعبت لغاية الرجل مادابت.. كيف حال الدنيا؟.. الأخ لساه على أخوه خايف.. بيعدى عليك ف البيت ولا على طول جنب البيت فايت.. بيسأل فيك جارك يطّمن على أخبارك؟.. الفلاح لساه بيحرث أرضه.. والسواقى بتدور جنبه.. حروب شغالة عندك.. ولا سلام عايش أرضك؟.. جميلة الدنيا يا واد ساكت ليه مالك؟!.. مش عارف أجاوب يا جدة فين أيامك؟!.. اليوم الكل بيحارب يا جدة أحلامك.. الله يرحم حليمة كانت أم عظيمة!
alaaa_ssan@yahoo.com