ماتنكشنيش وخلينى.. لوحدى عالرصيف ماشى.. وأقول للحيطة دارينى.. وخبينى من الواشى.. مشيت عالصعب منفعشى.. وبعت الصبر ماتبعشى.. وأنادى الناس ماتسمعشى.. وبس تبص عالماشى.. ضعيف الحال مالوش مطرح.. وزرعه عمره مابيطرح.. وصوته عمره مابيصدح.. ولما يعوز مايلقاشى.. مشيت والدنيا دايرابى.. وتاهوا منى أحبابى.. وراحوا كل أصحابى.. صحيح دنيا ماتسواشى.. بأقدم خير وبالقى الشر.. ومش خالص كمان م القر.. ولما زرعى قام يخضر.. لقيت فى ناس ماترضاشى.. طب أعمل إيه ودا حالى.. دفعت كتير تمن غالى.. ومن دمى ومن مالى.. وكله من ورا الواشى.. حسيبى ربنا العالم.. يخلص تارى م الظالم.. ونفسى بس أعيش سالم.. وحقى فى يوم مابنساشى.
mourry777@yahoo.com