هى حياتنا كده بتدينا ولا بتاخد من ليالينا.. هو العمر ماحسش بينا.. لما مشينا لما جرينا.. ولا زمانا ساعات بيخونا ويتسرسب.. من بين أيادينا.. ولا نكون أحنا اللى نسينا.. إن زمانا بيلعب بينا.. ويعلينا ويوطينا.. وينسينا كمان أسامينا.. هى حياتنا كده بتدينا.. ولا بتاخد من ليالينا.. الحيرة توب ومغطينا.. سفينتنا مش لاقية المينا.. عايشين تايهين وسط ماضينا.. واللى هييجى يا ترى هيجينا.. بالفرحة يرجع أغانينا.. ولا حكاية «مش فاهمين» راح تلهينا.. ونعيش الأيام ف سؤال صعب علينا.. ما هو مش بإيدينا نطول الحلم.. كفاية أن تشوفه عنينا.. ونعيش الأيام ف سؤال صعب علينا.. هى حياتنا كده بتدينا.. ولا بتاخد من ليالينا؟