قوم يا جناينى يا ساقى مصر الخضرا.. دور على تقاويها جوانا.. واكشف يا درويش عنها واعمل حضرا.. وادعيلها يمكن يستجيب مولانا.. الطينة خصبة والجدور ممتدة.. لكن غصونها ع الفروع هفتانة.. يا ريس الأرض مالها مصر البركة.. قوللى.. غرقانة من الخير عطشانة.. قوم يا جناينى يا ساقى مصر بلدنا.. وقوللى العيب فى الأرض ولاّ فينا.. دى مصر ديننا واللى يعصى مصر كافر.. واللى يصونها يبقى صاين للأمانة.. يا ريس الأرض مالها مصر البركة.. قوللى.. غرقانة من الخير ولاّ عطشانة.. كل الزهور فى الربوع جذبانا.. ومصر زهرة فى الربيع دبلانة.