طول عمرنا على أرضنا الهلال حاضن صليب
ومهما ينزف جرحنا المسيحى للمسلم حبيب
مهما قالوا ومهما عادوا شمسنا مش راح تغيب
عمر إبراهيم ماحينسى مينا شىء طبيعى مش غريب
طول ما الروح جوانا موجودة دايماً حبيب الكل شنودة
ارتباط الأرض غالى مش حيفرق بينا موت
رايتنا دايماً فى العلالى يا حاقدين خشوا التابوت
يا محلى ترانيم الكنايس لما ترد على الأذان
نلقى فى لحظة الحب باين ونور الفرحة فى المكان
محمد رسول الله نبينا دعوة خير للمؤمنين
فيها من آمن بربه واللى رفضها مشركين
أنزل عليه القرآن الكريم فى شهر رمضان العظيم
وله أعظم معجزات لما صعد للسموات
المسيح بشرى جميلة فيها خير لأجل البشر
فيها من آمن وتاب وفيها على الشر انتصر
رغم جراحه والآهات حقق أعظم معجزات
باقية ذكرى للحياة عمرها ما حتندثر
حب الوطن فى القلب غالى طول ما حياتنا مستمرة
لله المجد فى الأعالى وفى الأرض المسرة