والله مساكين يا مصريين.. يا أهل الشرف والدين.. كل المصائب نازلة عليكم.. ولسه فى الحياة عايشين.. طعامكم فاسد.. مشربكم فاسد.. ومش عارفين.. ورى الزرع بمياه المجارى.. مصاب أكبر.. بيصيب ملايين.. إنفلونزا طيور وخنازير.. ورى بمياه المجارى.. تيفود وسرطان وبلاوى كتير.. والمصرى.. مش دارى.. أمراض الدنيا بتصيبه.. ومش لاقى «دوا» ولا مداوى.. خلاص المصرى أصبح بين الناس.. ما بقاش يساوى.. حتى ولاده.. يتعلموا دلوقتى.. فى زرايب.. ونايب الشعب مشغول عن دايرته.. ودايماً غايب.. مشغول بحاله وماله.. وخدمة المحاسيب والقرايب.. إحنا بنربى فى المدارس عقول.. ولَّا عجول.. فى زرايب؟ يا مسؤولين عن الصحة والتعليم.. كفاية بقى للمصريين ذل ومهانة.. المصريين طول عمرهم أصحاب حضارة.. شرف عظيم ومكانة.. أول حضارة.. ورب العرش بالخير الكثير أعطانا.. تاه دليلى يا ناس.. ومش عارف منين المصاب جانا؟!
موجه صحافة بدرجة مدير عام سابق