أمى قَلَعتلى دهبها.. وقالتلى إمسك يا ضنايا.. خد الكردان إنزل بيعه.. وهات بتمنه طمطمايا.. الدمعة فرت من عينيا.. ولما لاقيتها صعبت عليا.. بعت اللى قدامى وورايا.. قلتلها خليلك كردانك.. واوعى فى يوم تشغلى بالك.. ده إنت عشت تعملى سلطة.. يا دوب يا حاجة تبيعى عيالك.. وحطيط فلوسى فى اتنين كيلو.. ومضيت عالباقى كمبيالة.. أهو ناكل والباقى نشيلوا.. ومنها برضو فلوس متشاله.. أتارى ده كله مالهوش قيمة.. ملاقتش طمطمايا سليمة.. منك لله ياللى بايعلى.. يبتليك ربنا بإزالة!!
omar_gheith@gmail.com