كابوس عاتم كاتم نفوس
سفايه بالحلق شرنقه سوس
وشوش عكره جمود عبوس
جدال بالحسنى يدهس يدوس!
بالأمر بالمعروف كان متاح
عيون غشاوة والخير وضاح
بلطجى أونطجى سداح مداح
محرمات محللات الطاعة ارتياح
عتريس وفؤادة ع الربابة موال
الجواز باطل والرضا استحال
انتهاك حقوق إنسان إذلال
بطش ترويع حرايق إشعال!
العدالة مهانة والحرية مرار
جر شكل أضرار استقرار
قط نط خطف مفتاح كرار
جبنة قريش مفيش وفول بزيت حار!
والله أكبر ولله الحمد
الإيد بالإيد الشعب اشتد
تفويض الجيش بالأمر رد
دستور تشريع انتخابات جد!
الرب واحد أحد إيمان
الوطن فينا ملة وأديان..
درة الكون تاج الزمان
أرض السلام الكل إنسان!
تراث ميراث عظمة مصريين
نقش زخرفى محفور سنين
متعة إبهار مزار حنين
معلم يعلم معرفة دارسين
العدل أساس معيار وميزان
والحق ذمة فرض مصان
الأمر شورى والرأى تبيان
والحكمة نصوحة عقل واتزان!
والشمس طلعت بدرت نورت
والنسمة هفهفت عطرت لطفت
والطير ع الشجر سبحت غردت
ومصر فرحانة م القلب زغردت!
المحلة الكبرى