بتقتلوا وبتاجروا باسم الدين، وعملتم تحالف مع شلة الملاعين.. عايزين الحكم للبلد بالغصب، وتبيعوا أرضنا وتقبضوا الملايين.. قتلتم العزل بتسفكوا ف الدم، وعاشت مصر بسببكم فى هم وغم.. فى شرع مين قتل الأبريا، وتنحرم من ضناها الأم؟.. تحرقوا مصر تدمروا تراثها، لا إنتو منها ولا إنتو من ناسها..
لكن رغم المكر ويا تدابيركم، مصرنا ربنا هوه اللى حارسها.. بترهبوا شعب تدوقوه الكرب، وتجروا ترتموا ف حضن الغرب..
وتنفذوا لهم خططهم الوقحة، وبتقبضوا وتنسوا إن ليكم ربْ.. حتقولوا إيه لله لما يسألكم عن سفك الدماء بيد أنصاركم.. عن حرق مساجد ويا كنايس، وسيئات سجلتها ملايكة ف كتابكم.. يا شباب يا من وقعت ف الغلطة، وبسبب ضلالك وقعت ف الورطة.. اللى أضلوك أهم اتنصلوا منك، والسجن صار ليهم مأوى ومحطة.. توبوا وارجعوا لأصول دينكم، وإرعوا مصر إحفظوها ف عينكم.. بتوبة نصوحة تمحى أوزاركم، ارجعوا لمصر إحنا عايزينكم!!