هو انتى ليه
لما بكون
وسط الحكاوى
المهملة
من ألف عام
ألاقيكى واقفة
تدمعى
بعيوم رخام
...
زى الحمام
لما يطير
وحده حزين
وتنزل الدمعة
البريئة
تجرى ع الخد
اللى كان
مسنود على
هم الزمان
...
طب هو ليه
كل العيون
لما تشوفك
ترتعش
جوه الجفون
قلبى الحنون
اللى التقاكى
ف خطوته
تاه سكته
معرفش يرجع
للى كان
لا همه ايه
هو الزمان
ولا حب يعرف
المكان
...
طب ليه كمان
وأنا قاعد بشرب
القهوة
اللى بردت
لما التقت
ريحة نسيمك
ببقى شايف
رسمة الروج
ف الشفايف
طبعه ع الفنجان
قصادى
وبهمستك تبدأ
تنادى
وأنا بستجيب
لكن بغيب
عن أى معنى
للوجود
يا ريت
تعود
عمرو أيمن - القاهرة
مواليد 1987
المؤهل: بكالوريوس إدارة الأعمال
مؤسس أسرة خيط دخان الشعرية