عايزين نرسم زهرة كوسة بروازها ملفوف فى حرير
يرسمها «فنان سريالى» متمكن له حجم كبير
يرسم لنا جنبها قرعاية وحواليها شوية طراطير
يبقى صحيح دا الفن الراقى وتبقى اللوحة كلها تعبير
لوحة تعبر عن أحوالنا وتصورنا أجمل تصوير
لوحة تبقى شعار حكومتنا حاجة تخلى العقل يطير
لما كبير ينهب ويهبش بعد ما يقلش يبقى مدير
لما مسارح الدولة تولع واللوحة تتباع لأمير
بعد ما جاب الصفر الدولى كان لازم يحصل تغيير
لكن الكوسة ما شاء الله موجودة فى السوق ببلاش
حاجة متاحة للملايين ماتقوليش زهرة خشخاش
حلوة الكوسة تفيد المعدة وبتشفى مرضى القولون
إيه يعنى زهرة خشخاش متباعة بستين مليون
تبقى الكوسة هى شعارنا هيه هدفنا وهيه الجون
المحامى
كفر الدوار- بحيرة