قلبت الموجة أشوف الشعراوى، وبالصدفة لا قاصد ولا ناوى.. جت معايا قناة الجزيرة، وعلى حظى فيها القرضاوى.. فوجئت بيه يجيب سيرة عدلى، والقائد السيسى والببلاوى.. ومش عاجبه قال شيخ الأزهر، وغلط بدل الطيب قال الراوى.. قلت فى سرى ده ساب الدين، ودخل فى السياسة غاوى.. يمكن علشان نظره ضعف، وسنه كبر نسى الفتاوى.. راح حد وداه الجزيرة، ومن وراه بيقبض رشاوى..
لما سمعته ينادى أمريكا، وأوروبا وبلاد ما تساوى.. يتدخلوا فى الشأن المصرى، ويألف على كيفه حكاوى.. الجيش بسلاحه بيضرب، عزل متظاهرين بمطاوى.. والشرطة بتلم البشر، اللى بقفاطين من القهاوى.. وقضاة مصر رفعوا قضية، بتقول مش ناقصين بلاوى.. بمجرد ماشافوا فى الجزيرة، شريط عدى يادوب فى ثوانى.. بيكذب واقعة الشهداء، مع أبوراية سوداء الإخوانى.. وقالت الفيديو تلفيق، والمتهم مش هو الجانى.. والصوت اللى فيه بيتوجع، ده ساكن بيقول آه يانى.. والقضاة بيقولوا الناس، فى سيدى جابر لسة بتعانى.. وصلوا الشهداء لمثواهم، ومستعدين يضحوا تانى.. بيقولوا للجزيرة ترحل، وقالوا علىّ شيخ أنانى.. وأنا غلبان أما كنت صغير، صح كان فىّ شىء ربانى.. لكن أما كبرت نسيت إن الدنيا، وكل من عليها فانى!!
مستشار