يا مصرى موت وارتاح.. م القهر والغلا والهم.. دى القوطة بسعر التفاح.. ووجودك ما عدش يهم.. رمضان وعيد ومدارس.. والباشا فى برجه العالى.. مش دارى بينا ولا حاسس.. إن إحنا بنلطم ونلالى.. لا تقولّى مرتب ولا غيره.. ما عدش فيه حاجة كافية.. وكل باشا كتر خيره.. خنقونا وجابولنا الكافية.. ماشيين نكلم نفسينا.. من سعر الحاجة المجنونة.. يا إله الكون الطف بينا.. وارحمنا من اللى باعونا.. باعوا بلدنا وأراضينا.. بسعر بخس ما يذكرشى.. نسيوا تاريخها وماضيها.. مع إن التاريخ ما بيرحمشى.. يا كل مسؤول فاسد ظالم.. المزبلة جاهزة يا أخينا.. ومسير تترد المظالم.. ونعيش حياة تليق بينا.
اتحاد الإذاعة والتليفزيون