عشان تعيشى يا بلد.. لازم نضحى كلنا.. عشان تعيشى يا بلد.. لازم ولادك تتولد.. من بطن أم مأصلة.. رضعت أصول المسألة.. رفضت تعيش المهزلة.. اللى دخيلة عننا.. طول عمرنا.. عايشين كما عاش الجدود.. كافيين بخيرنا شرنا.. ودمنا.. يسرى فى شرايين القلوب اللى لا ممكن راح تتوب.. عن حب جرجس لإبراهيم.. وحب دميانة لإيمان.. حب وصداقة من زمان.. فيها المودة والأمان.. ولما يترفع الأدان..
تدق أجراس الكنايس فى البلاد.. تلقى الهلال ويا الصليب.. وع الرمال فى المعركة.. بيرسم الدم النبيل.. صورة جميلة للإخاء.. أما فى مدارسنا.. كراريسنا دى صفحة بيضة معطرة.. تلقى البراءة فى لعب أولادنا الصغار.. بيرسموا بالريشة لوحة للفخار.. المدنة بتعانق صليب.. والفجر بيولد نهار.. وآية م القرآن.. وصفحة م الإنجيل.. يقرأها مينا وإسماعيل.. وهو دا الزمن الجميل.
رئيس جماعة الأدب العربى