عايز تقودنا إزاى وانت مش ربان.. ولا انت قبطان ماهر ولا حتى مراكبى غلبان.. سرقت من حلمنا واليأس مكانه بان.. بنيت على أشلائنا أحلام جماعتك ورويت بدمنا أرضهم ده جنان.. وخلعت برقع الحيا وخرجت تقول أنا الربان.. كنت فين لما كنا فى مصر أسلافك مقهورين.. كنت تحت قبتهم بتقدم فروض الولاء المبين..
ولا كنت بتجيب لولادك جنسية تانية عشان يبقوا أمريكان متأصلين.. لما خرجنا وقلنا لا للظلم والخونة والمجرمين.. جيت انت وجماعتك خدعتونا باسم الوطن والدين.. قلنا نعمل انتخابات ونحتكم للصناديق ونبقى متحضرين.. لعب معانا القدر ووقعنا بين فكى الرحى منحوسين.. فكان العند منا واخترناك حتى لا نأتى بأذناب عهد قديم.. لكن تظلم وتقهر تانى فينا!!..
لا مش هنرضى حتى لو متنا بالملايين.. خارج بكل بجاحة تقول دستورى شرعيتى دولتى ولعبت برأسك الشياطين.. بتهددنا بجماعتك صحيح قليل الأصل ناسى إحنا مين؟!.. إحنا المصريين لابنتهدد ولا بنخاف من بقايا بنى آدمين.. إحنا الدستور إحنا الشرعية إحنا المصريين.. خد جماعتك وارحل إلى مزبلة التاريخ مع الخونة والمأجورين!!
مدرسة تاريخ- المطرية- القاهرة