والله كان نفسى أشوف النصر للإخوان.. وأشوف نبوغ «الكتاتنى» و«مرسى» و«العريان».. وأشوف سماحة الرسول فى «بديع» والإخوان.. علشان أقول إن دينى أعظم الأديان.. والله كان نفسى أشوفهم بيعملوا لله.. من غير طلب للمناصب ولا لمال أو جاه.. كان نفسى مرسى يكون أبوبكر الصديق.. وأشوف فى نجله عمر سلوك عمر وتقاه..
والله كان نفسى أشوف الحكم باسم الدين.. وأشوف فى كل الكراسى البررة والصالحين.. ومشوفش «حازم» بيتوعد ويتقمرش.. وناوى يحرق قناة ويكسر كمان عشرين.. والله كان نفسى أكون بالمرة إخوانى.. وفى الجماعة أسجل أهلى وجيرانى.. لكن سلوك الجماعة طلع سلوك إبليس.. ومرسى توأم لحسنى ودقنه تيوانى.. والله كان نفسى لكن خيبوا ظنى.. وخلوا أملى الكبير فيهم يضيع منى.. أمانة اللى يقابل حد م الإخوان.. يقوله وحياة أبوك إبعد بعيد عنى.