يا نيل بلدنا سلامى إليك.. اوعى تخاصمنا الله يهديك.. بلاش دلال دا إحنا حبايبك فى كل بيت بنادى عليك.. من العريش لأهل النوبة بندعى «ربى يبارك فيك».. دا القلة قلقانة والساقية والقمح خوفه يا أخويا وشيك.. والنخل عاشق والياسمين فحطهم دايماً بعينيك..
يا أبو قلب صافى وكله حنين إيّاك تفوتنا الله يخليك.. حواليك بنكتب أشعارنا، وكل عيد نتوّنس بيك.. وإن كنا يوم زدنا آلامك، وبالجهالة أسأنا إليك.. قسما لنبقى فرسانك، وإن ناديت هنقول لبيك.. لا إنت من عندك تجرى، ولا الحبش هيشلو إيديك.. ولا إحنا عنك نستغنى مهما الآلام زادت حواليك.. دا ربنا هو الرازق، وهو وحده اللى بيجريك!
الدكتور