على كل ناصية نصبنا المنابر... ومن كل حارة طلعنا بزعيم ده منبر «مبارك»... ومنبر لناصر.. وده لليسارى وده للئيم خلاص انقسمنا... يا ثائر... يا فاجر... دى قسمة وشاملة الرجال والحريم براحتك تقاطع.. تعارض.. تتاجر.. وتلعن رئيسنا.. الجديد والقديم.. ومليون خبير فجأة جابوا المساطر.. يقيسوا الغلط فى الكلام.. والسليم ده جهبذ بيكشف «بعلمه» المخاطر.. وغيره بيحلف ده جنة ونعيم وإياك تحاول مناقشة أكابر.. حاتعمل مفتح.. وتطلع غشيم.. نهايتك حاتضرب إبر أو سجاير.. وتنسى بلادك فى حضن الحريم ده قاضى ومقاول.. وتلميذ وناظر.. ده حالنا الملخبط فى واقع أليم وكله بيدعى يا منعم.. يا قادر.. لكن مش بيعمل بأمر «العليم».