حقق مطالب شعبك يا ريس.. أمله يشعر بمعنى الحياة!.. العدل أساس الملك يا كبير.. دا ركن أصيل فى شرع الله.. ونظرة لحال الغلابة يا مؤمن.. هتتسأل عنهم أمام الله.. وحقق العدالة الاجتماعية يا بلدينا تنول حب الله ورضاه.. تلاقى كل الشعب يلتف حواليك، بلا انشقاقات أو صراعات.. والعيشة تبقى حلوة وهنية.. ونرتاح شوية من الاعتصامات.. وعجل الإنتاج يدور، والكل سعيد مسرور، وما فيش خلافات.. وننهض ببلدنا نهضة حقيقية..
وسيبك بقى م اللى فات.. أمانة عليك يا ريس تنهض بالتعليم بفكر علمى سليم.. وتهتم بصحة الغلابة شوية وتعالج كل مريض سقيم.. وتتصالح مع المعارضة بشكل ديمقراطى وبقرار صائب وحكيم.. وحياة الإخوة اللى بينا ما تجامل فى يوم المحاسيب والقرايب.. إحنا منك وإنت منا وكل المصريين إخوان وحبايب.. مصر مليانة برجالة أكفاء، وبلاها العجوز وأبوشعر شايب. أخدنا إيه من أهل الثقة على مر التاريخ غير المصايب.. حقق مطالب شعبك يا ريس وإوعى تفرط فى شلاتين وحلايب!!
مدير عام سابق - الإسكندرية