ليه التعصب والإرهاب؟ قوللى يا شعب لصالح مين
دخل الشر من الأبواب بدعم منك باسم الدين
ليه تشعلوها طائفية وتجيبوا عاليها فى واطيها
مش هى دى أم الدنيا اللى العرب اتحموا فيها
المصرى طول عمره يشارك فى فعل الخير والترضية
ليه النهارده بيتعارك وبتجرى فى دمه الأنانية
مصر بلدنا ووطنا معروفة باسم المصريين
أهالينا عاشوا وأجدادنا مسلمين مع مسيحيين
سكانها دايما فى عنينا مهما يدخل بينا شيطان
وبكره نرجع زى ما جينا أرض المحبة والأديان
الإسكندرية - فيكتوريا