ميت ألف أهلاً بدنيا الحمير.. اللى ف هواها باعشق وأغير.. وشفت الحمار واتعلمت منه.. بيحفظ طريقه مايتوهش عنه.. ولما يرجع ينام بيزيد الشخير!.. لو ضربه اللى سايقه بيعند تمام.. وخط سيره ح يعوج حرام.. وعمره مايمشى ولا يسيب لجامه.. وانت ح تفضل أسير انسجامه.. لو قطعت جسمه بكرباج أو حزام!..
واضرب براحتك يا جاهل يا ديب.. عشان انت قادر وربك مجيب.. مهما ح تقسى وتزود ف كرهى.. بيشتد عودى مع كل ضربى.. وضربك ف جسمى هو النصيب!.. فاكر بضربك ح امشى ع الصراط.. ح ابقى عدوك ولا ح تكسب قيراط.. وح افضل معاندك طول الطريق.. وبدال ما احبك واتحول صديق.. كل عمايلك ح تقلب زراط!
القاهرة