جايين الدنيا ما نعرف ليه.. ولما كبرنا عرفنا جينا ليه.. جايين نعبد جايين نشكر.. ونبينا نصلى عليه.. مش جايين لحروب ودمار.. ولا جايين نقتل أطفال.. ولا جايين نخلى الدم يبقى نهر من الأنهار.. مش جايين لحروب طائفية.. بين الإسلام والمسيحية.. الدنيا لا دايما فى يوم لفاطمة.. ولا دايما لجرجس وكاميليا.. جايين ضيوف على أرض الله.. نزرع فيها وناكل منها.. مش جايين لأرض الله.. نخرب فيها وننهب منها.. ومهما كبرنا يا ناس والله.. بكل كنوزنا مش شارينها.. إحنا لينا بلدنا يا ناس..
بعد شوية أكيد راجعنها.. بلدنا جنة وفيها أنهار.. مش مدينة فيها أنوار.. كل الناس على الأرض غريبة.. عايشين فيها ومش أحرار.. أما الجنة دى بيتك أنت.. وسقف البيت عرض الرحمن.. ولما ها تمشى فيها لوحدك.. فى التسبيح هاتكون هيمان.. ياللا نحارب سوا على الجنة.. وتبقى الجنة دى مستقبلنا.. مش عايزين الدنيا تاخدنا.. لآخرة يضيع فيها كل أملنا.