علقت الإعلامية لميس الحديدي على أزمة التعصب الكروي وما تعرض له محمود عبدالرازق «شيكابالا» نجم الفريق الأول لكرة القدم بنادي الزمالك من تنمر.
قالت الحديدي في برنامجها «كلمة أخيرة» المذاع على قناة «ON»، إن ظاهرة التعصب الكروي لابد أن يتم الوقوف أمامها وهو أمر مزعج جدًا، مضيفة: «أنا بوجه كلامي لبعض جمهور الأهلي لأني عارفة أن جمهور الأهلي محترم خاصة في وقت فرحته، وعاوزة أكون دقيقة جدًا وأنا بقول ده، لكن من لايدرك أنه يراد أن يدفع به لدائرة العنصرية والتعصب مش واخدين بالكم أن دي غلوشة حد بيحاول يخليكم تغلوشوا على فكرة النصر والكأس وتروحوا لحتة تانية خالص ويبقى الحديث كله مش على فرحة الأهلي على كأس إفريقيا ويبقى اهتمامنا كله شيكابالا عمل إيه وبعض جمهور الأهلي عمل إيه؟».
واصلت: «شيكابالا الحقيقة لاعب متميز جدًا وأحرز هدف مهم وعيب نشتم الناس بأصلها وشكلها ولونها، إحنا مانعملش كده كمصريين وكبني أدمين وكأهلاوية، وبالذات لما تكون منتصر لأن المنتصر دائمًا عنده شيمة الكرم وأنا عملت كده مع مرتضى منصور ومارضتش أدخل في الهجوم في أوقات الضعف وفي قصة شيكابالا حاسة إن فيها إفتعال وفيه جر لدائرة الشر وأنا دائمًا ضد نظرية المؤامرة لكن بدأت أشك إن فيه مؤامرة وإنتوا عارفين المؤامرة جاية منيين؟».