عبرت الفنانة نشوى مصطفى عن قلقها بشأن استضافتها حيوان مفترس، في حلقة اليوم، من برنامجها «بنت البلد»، حيث كانت تجلس أمام «كيارا»، وهي لبؤة، تربيها عائلة الحلو منذ طفولتها.
وحاولت «مصطفى» خلال حلقتها تسليط الضوء على التعامل مع الحيوان المفترس خلال استضافتها فتاتين ينتميان لعائلة «الحلو»، واللتان كشفتا انسجام أنثى الأسد مع تصرفاتهما ومشاعرهما، وصولًا إلى مشاركاتهما مشاهدة التلفاز وإحساسها بالغيرة تجاههما.
وقالت عبر برنامجها المذاع على قناة «المحور»: «لما نجمتي دخلت الأستوديو الرجالة ارتبكوا، أظن حضراتكم حسيتوا أنا حاسه بإيه دلوقتي، أنا مرعوبة، لكن مش هكون مرعوبة لأن كيارا معاها أصحابها اللي وعدوني أني مش هتاكل دلوقتي، لأني لو أتاكلت أبوعبدالرحمن (زوجها) هيقول يا سعدي يا هنايا وهيتأكل علطول.. معايا لوبا وأوسا الحلو ستات ماشوفتش في قوتهم».
ووقال لوبا عن «كيارا»: «هي أسد مستأنس وبيقعد مع الأولاد، ومثلت مع محمد رمضان في أغنية (الملك)، وطلعت على المسرح في مسرحيته (أهلا رمضان)، هي بتحبه جدًا وهو بيحبها أوي.. وهي متربية عندي في البيت هي وأخوتها، وبتحب أشرف أخويا وتعشقه بتغير من خطيبته وضربتها في عينيها مرة عشان قعدت مكانها في العربية جنب أشرف، ولو هي موجودة بتقعد ورا خلاص».
وتابعت: «ماتعودتش تأكل من أكل البيت العادي، وبتنزل معانا تتفرج على أي مبارة أو بطولة في كافيه، ووقت مباراة لمصر والمغرب نزلت احتفلت مع أشرف في الشارع، وبتلبس (تي شيرت) المنتخب، وبتكون مبسوطة جدا والناس اتصورت معاها».
كانت «مصطفى» ألتقت بأسد، منذ تسع سنوات، خلال حلقة في برنامج الفنان رامز جلال «رامز قلب الأسد»، وتسبب في فزعها على الهواء..