احتل هاشتاج #جهزوا_المستشفيات_ل3ث، الأكثر تداولاً عبر موقع التدوين القصير تويتر، وذلك مع اقتراب موعد امتحانات طلاب الثانوية العامة، وفي إشارة إلى خطورة إجراء الإمتحانات في ظل جائحة كورونا وضرورة توفير المستشفيات لاستقبال أي حالات مصابة بالفيروس خلال وقت الامتحانات.
وجاءت من ضمن التعليقات على الهاشتاج «اجلوها كفايا قلقنا واحنا رايحين الامتحان ان حد مننا يتصاب»، وعلق آخر:«عايزين اهلينا يفرحوا بينا مش يحزنوا علينا عايزين الناس تقولهم مبروك مش البقاء لله #جهزوا_المستشفيات_ل3ث«، وقالت آخرى:»التاجيل أو حل بديل«.
#جهزوا_المستشفيات_ل3ث احنا هننزل مركزيين في اننا منتصابش مش علشان نحل الامتحان 😭😭😭😭
— bebo bebo (@bebobeb25909504) June 7، 2020
من جانبها، علقت المذيعة رضوى الشربيني، عبر حسابها الرسمي على «فيس بوك»، على موعد إجراء الإمتحانات، قائلة: «رساله إلى سيادة وزير التعليم العالى وسيادة وزير التربية والتعليم...مفيش حد من الناس المعترضة على تطبيق الامتحانات الحالية سواء كانت امتحانات الثانوية العامة أو الجامعات أو المعاهد...معترض على تطبيقها لكن الاعتراض هنا على توقيتها».
وتابعت: «التوقيت هو انتشار وباء عالمى يهدد حياة اولادنا وبناتنا وأهاليهم لو نزلوا بالعدد ده للأمتحانات...مع عدم وجود مناخ مناسب للمذاكرة».
وأكملت: «الخوف لوحده من انهم يتعدوا ممكن يؤدى لى رسوبهم...وخوف أهاليهم عليهم دى كارثة تانية، كل ما نرجوه من السادة الوزراء هو النظر بعين الرأفة لى ولادنا وبناتنا... الاختيار ما بين انه ينجح وهو ميت أو يسقط وهو عايش دى صعبة».