يستعد الفنان رامي جمال لألبومه الجديد، محاولًا استغلال فترات حظر التجول وتفشي فيروس كورونا لاختيار الأغاني في الوقت الراهن، إذ يستغرق عامًا كاملًا في انتقاء أفضل الكلمات والأغاني، وبينما يكشف قراره الجديد فجر مفاجأة لزوجته ناريمان، موضحًا أنه يوافق على إطلاق ألبوم غنائي لها، ويتضمن عدة أغاني وصفها بـ«المُختلفة».
وقال «جمال» عبر «انستجرام»: «بما إني كده كده محظور، قررت أبدأ في اختيار أغاني جديدة لألبومي القادم بما أني بأخد سنة أو أكثر في التحضير ثانيًا بقى وده المهم قررت أعمل ألبوم لناريمان فيه أنواع مختلفة من الأغاني». مضيفا: «الجميل أنها ماتعرفش أني قررت أعمل كده والأجمل أنها هتعرف من هنا، ويارب نفرح كلنا بفرج ربنا».
في المقابل، تلقى «جمال» تعليقًا من إحدى المتابعات تسبب في إزعاجه، قالت فيه: «روح أتعالج يا رامي من البهاق (..) ألبوم إيه أنت مش بتحقق لا مشاهدات ولا إيرادات وفر فلوسك في العلاج»، ليرد عليها: «النوع دا من البشر منتشر أوي، شوفت عند صديق ليا لاعب كرة قدم ما شابه العينة دي، عاوز أقولكم أنتم ولسانكم أصعب ڤيروس، ماحدش هيعيش للأبد ولينا رب نختصم بعض عنده، يارب تكونوا مبسوطين».
وإنهالت التعليقات على تصرّف المُتابعة، للتخفيف من قسوة الكلمات، فقالت ناريمان زوجة «جمال»: «منك لله بوظتيلي بوست للمفاجأة بتاعتي، حبيبي معقول ممكن شئ زى دا يشغل تفكيرك ثانية يعنى؟ أكيد مش ممكن وواضح جدا للجميع مين اللى محتاج يتعالج يعنى واضحة أهي»، وقالت أنغام: «ربنا يخلصنا من الأشكال دي ناس بتكره نفسها وبتكره الحياة».
وعلّق الفنان خالد عليش: «ياه بقابل من دول كتير، يا باشا بلوك على طول ولا كأنك قريت حاجة»، فيما ردت الإعلامية ياسمين الخطيب: «مساكين والله، دول لا يجوز عليهم سوى الدعاء بالشفاء لقلوبهم المليئة بالعلل». وقالت الفنانة إيمان العاصي: «أقل من أنك تعملها بوست (دا أنا بنتي العيلة الصغيرة مش سايبنها في حالها)».
وكان «جمال» أعلن إصابته بالبهاق في نوفمبر الماضي، بعد محاولات متكررة لإخفاء وعلاج البقع البيضاء، التي تتزايد معدلاتها في الجسم كلما زادت الضغوطات والمُضايقات النفسية، وقال الفنان لأول مرة عن المرض: «الحمد لله الذي أحبنى فابتلانى وأقدرنى على الصبر، من فترة ظهرت بقع بيضا في جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة».
وأضاف حينذاك: «أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت في كلامهم بصراحة».
وتابع: «لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو».
View this post on Instagramالنوع ده من البشر بقي منتشر اوي شفت عند صديق ليا لاعب كره قدم ما شابه العينه دي عاوز اقولكم انتو ولسانكم اصعب ڤيروس محدش هيعيش للأبد ولينا رب نختصم بعض عنده. يارب تكونو مبسوطين 🤦♂️
May 27، 2020 at 7:04am PDT