أعربت الإعلامية بسمة وهبة، عن استيائها من تصريحات رجل الأعمال حسين صبور، ومطالباته بعودة الناس للعمل، وقوله: «رجَّعوا الناس للشغل فورا.. لما شوية يموتوا أحسن ما البلد تفلس.. ولو المستشفيات مش هتستوعب.. ما نتعالجش، ومش هتبرع.. فلوسى لموظفينى.. أنا مش مسؤول عن دخل الشعب».
وقالت، وهبة خلال فيديو عبر حسابها على «يوتيوب»،: «أنت رفعتلى ضغطى وأنا مش موافقة على تصريحاتك.. مفيش مسؤول أو رئيس أو أي حد ممكن يوافق على كلامك.. أنا حزينة وواخدة على خاطر المصريين منك».
وواصلت: «الدولة من أول موضوع كورونا وبتتحرك.. وبتنفق المبالغ وتسير الطائرات اللى رايحة واللى جاية.. وفنادق فاتحة وبدل أطباء للجيش الأبيض.. الدولة مش عاوزة مواطن واحد حياته تروح.. وأنت مش فارق معاك المواطن المصرى إنه يموت، وكل تفكيرك فتح المصانع والشركات.. لا محدش يرضى كدا على أولاد بلده.. تصريحاتك دى مش قادرة أبلعها».