لقيت لمونة فى النملية.. أيام ما كان سعره بستة.. قلت لها تمنك عدى المية.. وعلقتها فى عروة الجاكتة.. نزلت الشارع أتباهى بيها.. وقلت تعالى اتفرج وبص.. على طبق الفول ياما عصرتيها.. دلوقت مش طايلين منك فص.. لامونا العوازل يا لمون.. من غيرك مفيش حل.. لا ينفع بهارات ولا كمون.. ولا تسد مكانك معلقة خل.. كنا بنقول الطماطم مجنونة.. لما كنا بنشتريها بعشرين.. سعرك عدى البلوبيف والتونة.. وبقيت إنت زعيم المجانين.. والسمك بار عند التجار.. لعلاج البرد بدون استشارة.. إمتى نشوفك فى وسط الخضار.. من غيرك السمك كله زفارة.. سبحان الله مغير الأحوال.. كنا بنشترى الكيلو بتعريفة.. لما كان محشور جوه شوال.. دلوقت مكانك فى علبة قطيفة.
سليم نقولا- القاهرة الجديدة